የሌጀንድ GTTF/ IPTF ፌዴሬሽን በማዕከላዊ ኢትዮጵያ በሺንሽቾ ከተማ በግራንድ ማስተር ሄኖክ(ዶ/ር) የተመራ ሉኡካን ቡድን የአሰልጣኞች ስልጠና መስጠቱ ተገለጸ። ሺንሽቾ ግንቦት 3 ቀን 2017 ዓ/ም (መ/ኮ/ጉ/ጽ/ቤት):- GTTF ከማዕከላዊ ኢትዬጵያ ወጣቶችና ስፖርት ቢሮ ጋር በመሆን በሺንሽቾ ከተማ በግራንድ ማስተር ሄኖክ የተመራ ሉኡካን ቡድን የአሰልጣኞች ስልጠና እና የመጀመሪያ ደረጃ የህክምና ዕርዳታ መስጠቱን የሺንሺቾ ከተማ አስተዳደር ወጣቶችና ስፖርት ጽ/ቤት ገልጿል። የሺንሽቾ ከተማ አስተዳደር ወጣቶችና ስፖርት ጽ/ቤት ኃላፊ አቶ ስንሻው ገ/ማርያም እንደገለጹት ግራንድ ማስተር(ዶክተር) ሄኖክ ግርማ የዓለም የሌጀንድ መስራች ጂቲቲፍ/ IPTF ም/ፕሬዝደንት እና የአፍሪካ የበላይ ጠባቂ መሆናቸውን ገልጸው እንደ ሺንሽቾ ከተማ የወጣቶችን ተጠቃሚነት በማረጋገጥ የስፖርቱን መስክ ለማሳደግ በርካታ ስራዎች እየተሰሩ መሆኑን ተናግረዋል። በስልጠናውም ወቅት 48 አሰልጣኞች እና 65 ሰልጣኞች ስልጠናውን መውሰዳቸው ተገልጿል። በተጨማሪም ስፖርቱን ለማሳደግ ከመንግስት ውጭ ያሉ አካላት ወጪዎቻቸውን በመሸፈን እያገዟቸውም እንደነበረ ጽ/ቤቱ አመላክቷል። በዕለቱም ስልጠናውን ወስደው ላጠናቀቁ ሰልጣኞች የምስክር ወረቀት ተበርክቶላቸዋል። በመርሐ ግብሩም የሌጀድ ፕሬዝደት ዋና ፀሀፊ ቅድስት የኑቻኮ ማስተርና ቺፍ ኢንስትራክተር አላዛር ፣ ግራንድ ማስተር መኩሪያ የፊዝዮ ቴራፒ ባለሙያና አንጋፋ የውሹ አሰልጣኝ ፣ ሺያን ፲/አስር አለቃ ዘሪሁን አስፋው የGTTF በኢትዬጵያ ፕሬዝዳንት የኢትዮጵያ ስፔሻል ፎርስ አሰልጣኝ ማስተር ኢዶንያስ የአዲስ አበባ የሌጀድ ምክትል ፕሬዝደት የምርሻል አርትና የእክምና ባለሙያ ስልጠናውን በእነሱ ተከናውኗል ፣በእለቱ የከተማው አሳልጣኞች ፣ አጠቃላይ ሰልጣኞች እና ጥሪ የተደረገላቸው የብልጽግና ም/ኃላፊ አቶ ሰመረ በላይነህ የሺንሽቾ ከተማ አስተዳደር ፖሊስ አዛዥ ኢ/በረከት ዳንኤል አቶ ታሪኩ ተስፋዬ የሺንሽቾ ከተማ አስተዳደር ከንቲባ እንዲሁም ወጣቶች እና ስፖርት ጽ/ቤት አቶ ስንሻው ገ/ማሪያም የባህል ቱሪዝም ጽ/ቤት ሀላፊ ወ/ሮ ምህረት ኩራቱ ተጋባዥ እንግዶች ሆንው ተገኝተዋል።